2015(e)ko uztailak 16, osteguna

EKHI TXANPONAK ETA GOIENERREK LANKIDETZA HITZARMENA SINATU DUTE


Ekainaren 14an Joanes Maizak, GoiEnerren izenean, eta Esther Jimenezek, Ekhiren izenean, lankidetza hitzarmena sinatu zuten. Hitzarmen honen bidez oinarri komunak agerian geratu ziren.

Erakunde biek konpromisoa hartu zuten hainbat ekintza elkarrekin garatzeko. Nabarmendu beharrekoa da proiektu handinahi, ezin interesgarriago bat, hau da, txiri-txiri beste erakunde batzuekin batera ibilia hasiko duen txanpon lokala energiari ainguratzeko aukeren ikerketa.

Era berean, tokiko eta zirkuitu laburreko elkarrekintza lehenestea, partaidetza motak garatzea eta sustatzea, onura komunaren ekonomiaren ideia zabaltzea, erlazio ekonomikoetan harreman gardenak lehenestea eta ingurumenarekin jasangarriak diren kontsumo, merkataritza eta ekoizpen prozesuei laguntzea dira erakunde biak lotzen dituzten ezinbesteko oinarriak.




2015(e)ko uztailak 7, asteartea

ALTERNATIBEN HERRIA - EL PUEBLO DE LAS ALTERNATIVAS


Bizitza burujabea eskubide osoz

 

Alternatibak dituen herria bizirik dagoen herria da. Horixe irudikatzeko asmoz, Euskal Herriko Eskubide Sozialen Kartaren Asanbladako kideok datorren 2015eko urriaren 24ean Alternatiben Herria ekimena abiatuko dugu Bilbon. 

Aldarrikapen eta ospakizun eguna izango da, egunerokoan bizitzaa ematen diguten hamaika proposamen handi eta txikien erakusleihoa, Kartaren ardatz nagusiak jarraituz. Topagune komuna.

Ekimen honekin jarraipena emanen diogu Bizi mugimenduak, 2015eko abenduan Parisen klima aldaketari buruzko Goi Bilera dela eta, Alternatiben Herriak antolatzeko egindako deialdiari, Sistema aldatu, ez klima lelopean.

Izan ere, badira gure artean alternatibak egungo eredu soziala gainditzen joateko. Hauetako asko gure esku daude; beste hainbeste, jorratzeko zain. Hauek guztiek aukera ematen digute Euskal Herri justu, solidario eta desiragarriagoa egiteko.

  • Euskal Herrian zehar, nork bere herrian, auzoan, taldean… aurrera eramaten ari garen alternatibak eta proiektuak erakutsi. Eta erakustearekin batera, informazioa partekatu, elkar ezagutu, gure artean gogoeta egin eta eztabaidatu… Denon artean konplizitatea, aliantza, konfiantza… behar eta nahi ditugu, gure alternatiba ezberdinak saretzeko eta indartzeko. Horrela bakarrik aldatuko dira gauzak!
  • Botereek ezintasunera eraman nahi gaituzte. Haiek behin eta berriz sinestarazi nahi digute bide bakarra dagoela, ez dagoela beste alternatibarik. Horren kontra matxinatu nahi dugu. Bestelako bide batzuk jorratzeko ideiak, proiektuak, intuizioak, gogoak… baditugula erakutsi nahi dugu.

Hartara, heldu den urriaren 24an, Bilbon, Alternatiben Herria egingo dugu. Egunaren zehar, Bilboko erdigunea, herri txiki bat bihurtuta, hausnarketaz, alternatiba praktikoz eta baikortasunez beteko dugu. Mobilizazio eraikitzailea, denontzako tokia eginez.

Gune bakoitzean, arlo bakoitzean martxan dauden alternatibak ezagutaraziko ditugu, jarduera ezberdinen bitartez: hitzaldiak, mahai inguruak, azoka, tailerrak, kale ikuskizunak, jolasak… Noski, egunak festa kutsua izan dezan kale animazioa, jan-edanerako gunea, musika… ez dira faltako. 
Eraldaketaren bidean, denon lana beharrezkoa izango da, bai Alternatiben Herria antolatzeko, baita alternatibak eraikitzen jarraitzeko ere. Denon artean, Euskal Herri bizia eraikitzen jarraitzeko.


Hona hemen bideo bat erakusteko Baionan ospatu zen lehenengo Alternatiben Herriak.




2015(e)ko martxoak 23, astelehena

HITZALDIA - EKONOMIAREN IRAULTZA FEMINISTA




Zer da ekonomia feminista?

Aldaera batzu daude, baina hiru ezaugarri nagusi dauzka: batetik merkatuak albo batera uztea politikan aritzerakoan eta azterketa bultzatzerakoan, hau da arretagunea ez dira diruaren joanetorriak eta truke-balioaren sortzea izan behar, arretagunea bizia 
eusten duten prozesuak izan behar dira.
Horrek esan nahi du argitara atera behar direla bizia eusten duten eta normalean ikustezinak diren lanak, sistema kapitalista heteropatriarkalean izkutatuta geratzen dira eta historikoki emakumei eta femineitateari lotutako lanak dira.
Bigarren ezaugarria da generoa sistema sozioekonomikoa zeharkatzen duen aldagai nagusi bat bezala jotzea, hau da, generoa ez da kontutan hartu behar den elementu gehigarria, baizik eta genero harremanek eta desberdintasunek sistema egituratzen duen ardatza osatzen dutela onartzen da, kapitalismoa, kapitalismoa hereropatriarkala dela esaten da.
Hirugarren ezaugarria da ez sinistea objetibotasunean, munduaren edozein ezagupena ikuspuntu politiko jakin bati lotuta dago, adierazi behar da norberaren jarrera eta ezagutza sortu sistema eraldatzeko asmoz.




2015(e)ko martxoak 12, osteguna

Azken deia



Hazkundearen bidea jadanik genozidioa kamera geldoan dela adierazten duten albisteak pilatzen dira gaur. Energia merkearen eskuragarritasuna gainbehera, aldaketa klimatikoaren eszena katastrofikoak eta baliabideengatiko tentsio geopolitikoek erakusten dute aitzinamendurako joera zaharrak eteten ari direla.

Erronka honen aurrean ez dira aski garapen iraunkorraren mantra ekosmetikoak, ez eta teknologia ekoefizienteen aldeko apustu soilak ere, edo balizko “ekonomia berde” bat, ondare naturalen eta zerbitzu ekosistemikoen merkantilizazioa ezkutatzen dituena. Konponbide teknologikoak, ingurumen krisiari eta gainbehera energetikoari dagokionean, gutxiegi dira.







 
Planetak ezin du gizarte produktibista eta kontsumista mantendu. Handitzen ari den giza
populazio erraldoi bati (gaur egun 7200 milioitik gora), baliabideak urritzen ari diren planetan, bizitza duina bermatuko dion zibilizazio berria eraiki behar dugu. Horretarako errotiko aldaketak beharko dira bizimoduetan, produkzio moduetan, hirien diseinuan eta lurralde antolaketan: eta batez ere aurreko guztia gidatzen duten baloreetan. Biosferarekin oreka berreskuratzea helburu duen gizartea behar dugu, ikerkuntza, teknologia, kultura, ekonomia eta politika helburu horretarako erabiltzen dituena. Hori egiteko erakutsi ditzakegun irudimen politiko, eskuzabaltasun moral eta sormen teknikoa behar ditugu.







2015(e)ko martxoak 10, asteartea

AZKEN DEIA MANIFESTUAREN AURKEZPENA



Parte-hartzaileak: Marga Mediavilla, Florent Marcellesi.
Martxoaren 17-an, 19.00-tan, HIKA ATENEO

(Marga Mediavilla-ren artikulu bat gastelainaz).

"Cuando decimos que es la Última Llamada es porque esto se acaba, ya hemos empezado la cuesta abajo y la tecnología no nos va a salvar".   
(Marga Mediavilla)


En estos días un grupo de científicos, ecologistas y activistas sociales hemos redactado un manifiesto para llamar la atención sobre un tema que está ausente de la mayor parte de los debates políticos y cuya importancia, creemos, es enorme.

Cuando uno quiere llamar la atención lanza frases de urgencia, y, por ello, el manifiesto se titula “Última llamada. Esto es más que una crisis económica y de régimen: es una crisis de civilización”. Desgraciadamente esta sociedad está demasiado acostumbrada a la urgencia y, quienes no conocen los datos básicos, nos pueden tachar de alarmistas y contestar con el típico mantra que se suele aplicar a estos casos: “ya muchos antes han profetizado el fin del mundo y eso nunca ha sucedido”.

Por ello me gustaría pedir a las lectoras y lectores que nos den, simplemente, un momento para explicarnos. Antes de acusarnos de fustigar las conciencias con “sermones sobre el Apocalipsis”, por favor, escuchen por qué decimos que, ahora especialmente, estamos viviendo una última llamada.

2015(e)ko martxoak 8, igandea

“Convertir el tiempo en oro. Los usos del tiempo en el capitalismo”.


LIBURUAREN AURKEZPENA ETA EZTABAIDA

Convertir el tiempo en oro. Los usos del tiempo en el capitalismo” 
Juan Ibarrondo-ren liburua.

 
 
Hazkunde ekonomikoaren beharra edonon aurkitzen dugun ideia da. Ustezko behar honen izenean dena justifikatzen da, kalte ekologikoak, gizarte gastuen murrizketak, pribatizazioak.... Entsegu honetan, garapena eta aurrerapenaren kontzeptuen idealizazioan oinarritzen den hazkunde ekonomikoaren “behar” honen zergatiak aztertzen dira.
Saioa Bilboko Desazkundea kolektiboaren eskutik dator eta Pedro Ugarte-k gaia eta egilea aurkeztuko digu.
Hitzaldien ostean eztabaida bat izango dugu eta baita ere bideo bat aurkeztuko dugu.
 
Martxoaren 17-an, 19.00-tan HIKA ATENEO (Ibeni kaia 1, Bilbo).