Bilboko Konpartsetako eta Ekhi txanponaren ekimeneko ordezkariek
agerraldia egin dute Muga tabernan, Aste Nagusian bertoko txanpona
erabiltzeko aukera ematen hasiko direla jakinarazteko.
Esan dutenez, modu mailakatuan joango dira ordainketa modu berria
onartzen. Aurtengo Aste Nagusiari begira, konpartsen txosna gehienetan
eta Bilboko Konpartsek antolatutako ekimen guztietan erabili ahalko da
Ekhi-a ordainketak egiteko.
Konpartsen bozeramaleek gogoratu dutenez, urteak dira «baloreetan
aberatsak» diren jaiak antolatu eta hobetzen hasi zirela: «herrikoiak,
parekideak, ekologistak, euskaldunak...».
Ildo horretan kokatu dute, hain zuzen, «ekonomiarekin eta
gizartearekin dugun konpromisoarekin bat etorriz», Ekhi txanponaren
ekimenarekin bat egiteko erabakia.
Ekimenaren onurak ere aipatu dituzte, «bertoko komertzioa eta
ekoizleak bultzatzen dituelako eta bertan aberastasuna sortzea bilatzen
duelako, bidezkoagoa eta jasangarriagoa den ekonomia batean oinarrituz».
Ekhi-ko jendearekin elkarrizketa Hamaika telebistan.
iruzkinik ez:
Argitaratu iruzkina